Avropada ilin ən yaxşı gənc futbolçusunun kimliyi bəlli olub.
Apasport.az saytının məlumatına görə, UEFA-nın tvitter hesabında keçirilən səsvermədə “Bayer Leverkuzen”in və Türkiyə milli komandasının yarımmüdafiəçisi Hakan Çalhanoğlu qalib gəlib.
Sorğuda iştirak etmiş izləyicilərin 58%-nin səsini qazanmış 21 yaşlı futbolçu hamını qabaqlayıb.
Sonrakı pillədə isə "Barselona"nın üzvü Serji Roberto qərarlaşıb. Serji 19 faiz səs toplayıb.
Səslərin 17 faizinə yiyələnmiş "Yuventus"un üzvü Kinqsli Koman 3-cü, Leroy Sane (Şalke) isə 6 faiz səslə 4-cü olub.
Qeyd edək ki, bu mövsüm ümumilikdə 27 oyunda meydana çıxan Çalhanoğlu 6 qol və 8 məhsuldar ötürmə ilə yadda qalıb.
