Sakinlər təxliyyə olunub.
Nizami rayonunda yaşayış binalarının birində yanğın baş verib.
qaynarxett.az Qafqazinfo-ya istinadən xəbər verir ki, hadisə Qara Qarayev prospekti, bina 94, blok 6 ünvanında qeydə alınıb.
“Neftçilər” metrosu yaxınlığında yerləşən binanın 1-ci mərtəbəsində xəstəxana – qadın məsləhətxanası yerləşir.
Sakinlər bildirir ki, bundan əvvəl də bir neçə dəfə yanğın baş verib. Yanğının binanın zirzəmisindən başladığı bildirilir. Tüstü bütün binanı əhatələdiyi üçün evlərə də daxil olub. Sakinlərin verdiyi məlumata görə, tüstüdən qismən boğulan sakinlər binadan təxliyyə olunub.
