Gürcüstanın Batumi şəhərində Tovuz Gənclər Evinin və "Olimpsport" İdman Klubunun azyaşlı güləşçiləri yerli idmançılarla yoldaşlıq görüşündə qüvvələrini sınayıblar.
Olimpsport.az-ın məlumatına görə, görüşdə əsas məqsəd iki ölkə idmançıları arasında dostluq və güləş birliklərinin inkişafına nail olmaq olub.
ABA güləşi üzrə Gürcüstan Güləş Federasiyanın rəhbəri Camal Tsulukidzeyə Azərbaycan və Gürcüstan arasında idman əlaqələrinin inkişafında göstərdiyi xidmətlərə görə Tovuz Gənclər Evinin təsis etdiyi diplom və Tovuz Olimpiya İdman Kompleksinin rəmzi simvolu olan hədiyyə təqdim olunub. Diplomu görüşün təşkilatçısına Tovuz Gənclər Evinin metodisti, güləş üzrə əməkdar məşqçi Ramin Allahverdiyev təqdim etmişdir.
Qeyd edək ki, dostluq görüşündə azyaşlı pəhləvanlarımızdan Hüseyn Süleymanov (50 kq), Nicat Həsənov (35 kq), Tural Əlizadə (32 kq), Ümid Mehralıyev (29 kq), Fərid Abbasov (29) və Ibrahim Əliyev (26 kq) gürcü rəqibləri ilə mübarizədə uğurla çıxış etmişər.
