O, qızı zorlayandan sonra avtomobildən düşürüb.
Bakıda 23 yaşlı qız zorlanıb.
qaynarxett.az xəbər verir ki, Nizami Rayon Polis İdarəsindən Publika.az-a verilən məlumata görə, paytaxt sakini 1991-ci il təvəllüdlü A.Ə 23-cü polis bölməsinə müraciət edərək oktyabrın 24-də saat 17.00 radələrində, Q.Qarayev prospekti 28-in qarşısında Rəhman adlı şəxs onu işə düzəltmək adı ilə “VAZ 2106” markalı naməlum nömrəli avtomobilə əyləşdirərək Dərnəgül şosesində yerləşən naməlum ünvana aparıb.
A.Ə-ni orada zorlayan həmin şəxs qızın əl çantasından 150 manat pul və mobil telefonunu götürüb.
Daha sonra onu H.Əliyev prospekti 119-un qarşısında avtomobildən düşürüb. Hadisəni törədən şəxs axtarılır.
Faktla bağlı araşdırma aparılır.
