"Qara qızıl"ın qiyməti rekord vurur
Neft dünya birjasında öz rekordunu yeniləyir. İstiPress-in məlumatına görə, "qara qızıl"ın bir barelinin qiyməti 65 dolları ötüb. Bu 2005-ci ildən sonra ilk dəfə baş verir.
"Brent" markalı neftin qiyməti 0,52% artaraq 65,34 dollar təşkil edib. Bu göstərici sonuncu dəfə 2015-ci ilin 24 iyun tarixində qeydə alınıb. WTI nefti isə 0,5% bahalaşıb.
Azərbaycanın dünya bazarına çıxararaq satdığı xam neftin qiyməti də artıb. Son məlumata görə, "Azeri LT CIF" markalı xam neftin 1 barelinin qiyməti 1,73% artaraq 66,93 dollara çatıb.
Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb
qaynarxett.az