Ermənistan prezidentinin administrasiyası xəstəliyin yüngül olduğunu iddia edir
Ermənistan prezidentinin mətbuat katibi Vladimir Akopyan prezident Serj Sarkisyanın xəstəxanaya yerləşdirilməsi barədə xəbəri şərh edib.
İstiPress-in məlumatına görə, Akopyan “İnterfaks”a bildirib ki, Serj Sarkisyanın vəziyyətinin ağırlaşması səbəbindən Yeni il bayramında xəstəxanaya yerləşdirilməsi barədə KİV-lərin yazdığı xəbər doğru deyil.
“Bu məlumat həqiqətə uyğun deyil. Prezidentə sadəcə yüngül soyuq dəyib. Buna görə, bayram günlərini evdə keçirib”,- deyə Akopyan bildirib.
Lakin “gazeta.ru”nun məlumatına görə, bu gün yanvarın 9-da “Jamanak” qəzeti yazıb ki, Sarkisyan xəstəxanaya yerləşdirildiyindən İsanın mövludu ilə bağlı kilsə mərasimlərinə qatıla bilməyib.
qaynarxett.az
