Düşmənin necə məhv olduğunu əks etdirən yeni görüntülər yayıldı
Sosial şəbəkələrdə yanvarın 31-də Azərbaycanın Silahlı Qüvvələrinin erməni hərbçilərindən ibarət təxribatçı qrupunu məhv etdiyi əməliyyatın video görüntüləri yayılıb.
qaynarxett.az oxu.az-a istinadən xəbər verir ki, videogörüntülərdən göründüyü kimi, təxribat törətmək məqsədilə minalanmış sahədən keçməyə cəhd göstərən 6 düşmən əsgəri minaya düşərək məhv olur.
Qeyd edək ki, Azərbaycan MN-in cəbhənin Qazax rayonu istiqamətində minalanmış sahədən keçid açmağa cəhd göstərən düşmənin 6 nəfərdən ibarət hərbi qulluqçusunun məhv edilməsi barədə yaydığı xəbər Ermənistan Müdafiə Nazirliyi tərəfindən təkzib edilmiş və belə bir hadisənin baş vermədiyi bildirilmişdi.
Azərbaycanın müdafiə naziri, general-polkovnik Zakir Həsənov isə ötən gün keçirilən genişmiqyaslı hərbi təlimdə çıxışı zamanı qısa müddət ərzində 20-dən çox erməni hərbçinin cəbhədə məhv edildiyini bəyan edib.
Təqdim etdiyimiz videoda partlayış anı 2:48 dəqiqədə baş verir.
