“Əziz Bakı!”
Populyar rusiyalı müğənni, şairə və bəstəkar İrina Dubtsova xəstəxanadan çıxdıqdan sonra bakılı pərəstişkarlarına video-müraciət yazdırıb, Trend Life bildirir.
“Əziz Bakı! Gördüyünüz kimi sağ və salamatam. Bundan başqa böyük məmnuniyyətlə sizlərin yanına gəlirəm. Fevral ayının 13-də - Sevgililər günü və mənim ad günüm ərəfəsində görüşərik. Görüşənə qədər!”, - ifaçı öz pərəstişkarlarına bildirib.
Xatırladaq ki, İrina Dubtsova yanvar ayının 30-da Bakıda Heydər Əliyev sarayında solo konsert ilə çıxış etməli idi. Amma “Şeremetyevo” aeroportunda təyyarəyə giriş elan edilərkən, İrina Dubtsova huşunu itirib. Müğənni xəstəxanaya yatırılmışdı.
Bakıda yanvar ayının 30-da keçirilməli konsert, fevral ayının 13-ndə baş tutacaq.
