Dövlət Neft Şirkətində daha bir ixtisar dalğası gözlənilir. qaynarxett.az bildirir ki, bu barədə DİA.AZ-a danışan bilgili qaynağın iddialarından belə aydın olur ki, ARDNŞ Təhlükəsizlik İdarəsində total islahatlar planlaşdırılır.
Mənbə dia.az-a bildirir ki, başında Rəşad Əliyevin dayandığı Tİ-nin təxminən 1000-ə yaxın işçisinin vəzifədən alınması gözlənilir.
Xəbərə görə, hazırda 4000 işçisi olan ARDNŞ Tİ-də ixtisarlar hələ keçən ilin ortalarından gözlənilsə də, müəyyən səbəblərdən ertələnmə olmuşdu. İndi isə aydın olur ki, Rəşad Əliyev məlum neft böhranı ilə əlaqədar ertələnmiş qərarın icrasına vadar olub. Mənbənin söylədikləri: «Neft böhranı səbəbindən ARDNŞ-nin strukturlarında müəyyən ixtisarlar həyata keçirildi. Təbii ki, hansısa idarə ləğv olunursa, onu mühafizə edən qurum da məcburi iş yeri itirir ki, bu da təbii ixtisarları zəruri edir».
