Aprelin 2-4-də Dağlıq Qarabağ münaqişəsi zonasında, Azərbaycan-Ermənistan qoşunlarının təmas xəttində gedən qızğın döyüşlərdən sonra Azərbaycan və Ermənistan tərəfdə hərbi əsirlərin olmasına dair məlumat yoxdur
qaynarxett.az xəbər verir ki, bununla bağlı cavab olaraq Beynəlxalq Qızıl Xaç Komitəsinin (BQXK) Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova bildirib ki, hələ ki, son döyüşlərdən sonra BQXK-ya tərəflərdən hərbi əsirlərlə bağlı müraciətlərin daxil olmasına dair məlumat yoxdur.
Qeyd edək ki, tərəflər də özlərində hər hansı hərbi əsirin olması barədə heç bir rəsmi məlumat verməyiblər.
