Maliyyə Bazarlarına Nəzarət Palatası kredit təşkilatları tərəfindən pensiyaçılara kreditlərin verilməsinin dayandırılması barədə qərar qəbul edib.
"Qafqazinfo" “APA”ya istinadən xəbər verir ki, qərar kredit təşkilatlarının aidiyyatı şəxslərinə göndərilib.
Qadağanın hansı müddəti əhatə etdiyi məlum deyil.
Qərarın qəbul olunmasına səbəb pensiyaçıların ödəniş qabiliyyətinin aşağı olması ilə bağlıdır. Hesab edilir ki, bu qərar problemli kreditlərin həcminin artmasının nisbətən qarşısını alacaq.
Palatadan rəsmi məlumat əldə etmək mümkün olmayıb.
