Kameron: “Azərbaycan dünya iqtisadiyyatında böyük rol oynayır”
“Azərbaycanın enerji resursları Avropa və dünya iqtisadiyyatında, Avropanın enerji təhlükəsizliyində böyük rol oynamada davam edir”.
Publika.az APA-ya istinadən xəbər verir ki, bu, Böyük Britaniyanın baş naziri Devid Kameronun Bakıda keçirilən 23-cü Beynəlxalq Neft və Qaz Sərgisinin açılışı ilə bağlı təbrik məktubunda yer alıb. D.Kameron Azərbaycanı Cənub Qaz Dəhlizində oynayacağı rolla bağlı təbrik edib: “Mən sevinirəm ki, bp və Böyük Britaniya, bir sıra şirkətlər layihənin inkişafına öz töhfəsini verəcək. Bütün tərəfdaşlara bir daha uğurlar arzulayıram. Sərginin uğur qazanacağına inanıram”.
