Ermənistan ordusunun 2016-cı ildə böyük itkilərlə üzləşib.
Publika.az xəbər verir ki, Ermənistanda “Vətəndaşların məlumatlandırılması ittifaqı” təşkilatı ordunun itkilərini açıqlayıb.
Təşkilatın məlumatına görə, Ermənistan ordusu 2016-cı ildə döyüş şəraitində 110-dan çox hərbiçisini itirib.
“2015 və 2014-cü illərlə müqayisədə bu, böyük itkilərdir. 2014-cü ildə Ermənistan ordusu 26, 2015-ci ildə isə 40 hərbiçisini itirmişdi”, - deyə təşkilatın məlumatında bildirilir.
Həmçinin qeyd olunur ki, bu rəqəmlər rəsmi məlumatlardan götürülüb. Qeyri-rəsmi məlumatlarda isə itkilərin bundan 3-4 dəfə çox olduğu deyilir.