"Elə millət vəkilləri var ki, qapılarda yatırlar. Mənə isə heç nə lazım deyil. Heç kimin malına göz dikməmişəm. Şükür Allaha, heç nəyə ehtiyacım yoxdur. ” Bu söziəri bir necə il öncə millət vəkillərimizdən biri demişdi. İndi isə qadın deputatlarımızdan biri mandatından imtina edib.45 saylı Aza seçki dairəsi üzrə Naxçıvan Muxtar Respublikası Ali Məclisinə avqustun 6-na əlavə seçkilər təyin edilməsinin səbəbi məlum olub.
Politika.Az xəbər verir ki, 1 noyabr 2016-cı ildə Naxçıvan Ali Məclisinə keçirilən seçkilərdə 45 saylı Aza Seçki Dairəsindən deputat seçilmiş İlhamə Mustafayeva Naxçıvan Muxtar Respublikası Mərkəzi Seçki Komissiyasına ərizə ilə müraciət edərək deputat mandatından imtina edib.
Bununla əlaqədar əlavə seçkilər təyin edilməsi barədə sərəncam imzalanıb.
