Sosial şəbəkələrdə Ukraynada vurulan təyyarənin son videosu yayılıb
Salonda kameranın yaddaşına köçürülən videonun müəllifi Amsterdamdan Malayziyaya uçan sərnişin Əli Səlimdir.
YouTube-da yerləşdirilən 14 saniyəlik videonun şərh yerində yazılıb ki, görüntü uçuşdan əvvəl çəkilib. Əli Səlim onu İnstagram səhifəsinə yerləşdirib. Videoda sərnişinlər yüklərini yerbəyer edirlər.
“İnstagram” səhifəsində istifadəçilərdən biri isə belə yazıb: “Allahın adı ilə... bir az həyəcanlıyam”. Fonda yüksək səslə elan səslənir. Çox ehtimal ki, hava gəmisinin kapitanı danışır.
Deyilir ki, sərnişinlərin yerləşdirilməsi başa çatır, xahiş olunur ki, mobil telefonlarınızı söndürəsiniz. Niderlandda psixologiya üzrə təhsil alan tələbə Əli Səlim milli bayramı qeyd etmək üçün evinə yollanırdı.
