Gözəlliyinə və intellektinə əmin olan xanımlar iştirak edə bilərlər.
Xəbər verdiyimiz kimi 1-26 noyabr tarixində “Miss Globe İnternational” beynəlxalq gözəllik yarışmasının yerli seçim turlarının sənəd qəbuluna start verilib.
Oxu.Az-ın əməkdaşı bununla əlaqədar layihənin baş prodüseri, tanınmış təşkilatçı Aqil Məmiyevlə əlaqə saxlayıb. O vurğulayıb:
“Kastinq günü noyabr ayının 29-da baş tutacaq. Kastinqdən keçəcək 24 nəfər xanım finalçı “Miss Globe Azerbaijan” adı uğrunda mübarizə aparacaq. Dünyaca məşhur müsabiqənin 90-cı finalında iştirak etmək üçün “Miss Globe Azerbaijan” yarışmasının ilk seçim turuna gözəlliyinə və intellektinə əmin olan 16-28 yaş arası subay qızlar qatıla bilərlər. Kastinqə qatılmaq üçün şəxsiyyət vəsiqəsi və 1 ədəd tam boy şəkillə müraciət edə bilərlər”.
Qeyd edək ki, “Miss Globe Azerbaijan” gözəllik yarışması “Z Company 2007” şirkətinin təşkilatçılığı ilə keçiriləcək.
Layihənin idarə heyəti:
“Miss Globe İnternational”ın sahibi - Rasim Aydın
“Miss Globe Azerbaijan”ın direktoru - Zamiq Yunisov
İcraçı direktor - Pərviz Əzimzadə
Baş prodüser - Aqil Məmiyev
