“Sənət adamlarının işi çətindir, ağırdır. Futbolçu ayaqla işləyir, işini sevir. Bu yaxşı bir idmandır, həm də işdir. Amma bizdə əsas beyin və ürək işləyir. Onlar da orqanizmin ən incə aparatıdır”. Bu sözləri BiG.AZ-a əməkdar artist Əjdər Həmidov deyib. Bir müddət öncə insult keçirmək təhlükəsi ilə üz-üzə qalan sənətkar səhhətindəki problemin məhz peşəsi ilə birbaşa əlaqəsinin olduğunu vurğulayıb:
“Sənət adamları hər zaman psixoloji durumlarından və ürək ağrılarından əziyyət çəkirlər. Aktyorluq sənəti beynlə əlaqədardır”.
Xatırladaq ki, Ə.Həmidov bir müddət öncə 1 saylı Şəhər Klinik Xəstəxanasına yerləşdirilmişdi. Ona nevroz diaqnozu qoyulmuşdu.
Belə ki, 10 il öncə “Yoxlama” filminin çəkilişləri zamanı hündürlükdən möhkəm qorxan aktyorumuzun psixikası pozulmuş, o, hətta iki dəfə intihara cəhd etmişdi.
