Qaynarxett.az-a verilən məlumata görə bu idarənin rəisi Emil Hacıyevin işdə yol verdiyi qanun pozuntuları yuxarıda adları çəkilən rayonlarda suvarma suyu ilə bağlı ciddi problemlərin əmələ gəlməsinə səbəb olub. Ağdam, Ağcabədi, Tərtər, Bərdə, Yevlax və Goranboy rayonlarının da əkin sahələrinin suvarılması ürəkaçan səviyyədə deyil. Çünki sözügedən idarənin rəhbərliyi və işçiləri sırf öz maraqları üçün işləyirlər. İdarənin balansındakı texnikaların əksəriyyəti fərdi təsərrüfat sahələrində işlədilir. Başqa sözlə desək, Emil müəllim həmin texnikaları iş adamlarına aylıq icarəyə verib. Dövlət tərəfindən Tərtərdə və hidroqovşağa tabe olan rayonlarda suvarma suyu probleminin həllini tapması üçün mühüm tədbirlər həyata keçirilir. Tərtər əhalisinin erməni düşmənlərinə layiqli cavab verdiyi, müharibə şəraiti olmasına rəğmən, cəbhəyə yaxın ərazilərdə əkin-biçinlə məşğul olduğunu deməyə gərək yoxdur. Rayonun qəhrəman əhalisi əkinçiliklə məşğul olur, heyvandırlığı inkişaf etdirir və sairə. Amma Tərtərin ən böyük problemi əkin sahələrini suvarmaq üçün zəruri olan sudur.
İddialardan biri belədir ki, Emil Hacıyev dövlətin büdcəsini sümürür. Əvəzində isə bölgədə əkin sahələri quruyur, su belə satışa çıxarılır. İdarə rəisinin Tərtər camaatına suyu pulla satması onu var-dövlət sahibi edib.
Bu idarədə «ölü canlı»lardan tutmuş, kartı müdirin cibində olan işçilərə qədər hər şey baş verir. Davanı olacaq.
Qarşı tərəfin mövqeyini dərc etməyə hazırıq.
Qaynarxett.az