“Öpüşmüşdür sevgi ilə...”
Əməkdar artist Elza Seyidcahan yeni şeir yazıb.
Həmin şeiri təqdim edirik:
“Sevgi cəsarət istər
Görərsən sən,
Harada olsam, gələrsən sən.
Qismət olsa, görərsən sən
Həsrətimdən ölərsən sən
Ölməginən yazıqsan sən
Sən yazıqsan.
Yazıqsan!
Sevən çox, sevilən yox
Sevilən çox, sevən yox.
Sevilən xoşbəxtdir,
Sevən yox, ölən yox!
Ürəyimə ox?
Sənə yox, sənə yox!
Yazığım, dəlim?
Göz açandan o insan ki, sevilmişdir, seçilmişdir,
Alışmışdır sevgiyə?
Sevgi ilə yoğurulmuşdur, yanmışdır.
Öpüşmüşdür sevgi ilə
Boğuşmuşdur onun ilə doğulmuşdur.
Təzədən doğulmuşdur.
Hər sevəndə doğulursan, ölürsən.
Yenisindən, yenisindən yiyəsindən
Sevginin öz yiyəsi var.
Ay yazıq!
Kisəsi var, kuzəsi var.
Nizəsi var, qalxanı var, yatanı var, duranı var
Hamısı bir sevginindir.
Sevgimindir, sevgilimindir.
Hər dəqiqə, hər anım
o, mənimdir, mənimdir.
Harada olsam gələcək o...
Qismət olsa, gələcək o...
Görərsən sən...
Baxarsan sən, mənimdir o.
Bilirsən sən? Mənimsən sən! Mənimsən!
