Azərbaycanda bir sıra banklarda dollar qıtlığı yaşanmaqdadır. Artıq "Kapital Bank", "Zaminbank", "Kredobank" dollar satışını tam dayandırıb
Digər banklar isə dolları limitlə satırlar
Açıqlama verən iqtisadçı ekspert Əkrəm Həsənov bildirdi ki, manatın kəskin devalvasiyası qaçılmazdır:
“Ümumən manatın kəskin devalvasiyası hər bir halda qaçılmazdır. Çünki Mərkəzi Bank onun məzənnəsini süni, manat həcmini sıxmaqla, dollar ehtiyyatlarını azaltmaqla saxlayır. Bunun isə əvvəli-axırı var. Uzağı 1 ilə dollar azı 2 manatı vurub keçəcək, bəlkə də daha da çox. Amma ola bilər ki, daha da tez olsun. Hər bir halda qlobal maliyyə böhranı şəraitində Azərbaycan kimi iqtisadiyyat zəif bənddir. Yaxın aylarda, bəlkə də daha da tez dollar 1,6 məzənnəsinə çata bilər. Britaniyanın Avropa Birliyindən ayrılması bizdəki prosesləri tezləşdirir”.(moderator.az)
