İraqda Mosulun İŞİD-dən təmizlənməsi üçün 17 oktyabr tarixində başlayan əməliyyat kabusa dönüb.
İraq ordusu irəliləyə bilmir və təmizlədiyi əraziləri də əlində saxlamaqda çətinlik çəkir. Ordunun bir polkovniki vəziyyəti kabus olaraq qiymətləndirib.
Artıq bir həftədir Mosul şəhərinə girən İraq ordusu ilk mərhələdə ələ keçirdiyi bəzi əraziləri itirib.
Orduda xidmət edən bir polkovnik İŞİD terrorçularının yaxşı təlimli, mobil və çevik olduğunu etiraf edib. İraqlı əsgərlərin isə şəhər və küçə döyüşlərində təlimsiz olduğunu bildirib.
Ordu Mosulun 6 səmtini ələ keçirsə də, tez-tez terrorçuların hücumuna məruz qalır. İŞİD-çilər snayper və canlı bombalardan istifadə edir. Terrorçuların əsasən gecə saatlarında təşkil etdiyi hücumlar əsgərlərin psixologiyasına mənfi təsir göstərir.
