Erməni general xalqa müraciət etməli olubAzərbaycanın Müdafiə və Xarici İşlər nazirliklərinin yaydığı birgə bəyanat İrəvanda müharibə çaxnaşmasına səbəb olub.
İstiPress-in məlumatına görə, Ermənistan paytaxtında əhali o qədər qorxuya dühüb ki, Şuşanın işğalına rəhbərlik etmiş erməni general Arkadi Ter-Tadevosyan xalqa müraciət etməli olub.
Azərbaycanın Müdafiə və Xarici İşlər nazirliklərinin yaydığı bəyanatda dinc əhalinin Ermənistan silahlı qüvvələri tərəfindən dinc azərbaycanlı əhalinin atəşə tutulmasının qabardılması erməni ekspertləri ən çox qorxudan səbəbdir. Onlar düşünürlər ki, Azərbaycan böyük müharibə planlaşdırır və bunu əsaslandırmaq üçün mülki əhalini qorunması problemini irəli sürür.
“Ermənistan silahlı qüvvələri tərəfindən qoşunların təmas xətti və Ermənistan-Azərbaycan dövlət sərhədi boyunca ağır silahlardan istifadə edilməklə atəşkəs rejiminin intensiv şəkildə pozulması və təxribatların törədilməsi halları baş verməkdədir”, - deyə Azərbaycanın Müdafiə və Xarici İşlər nazirliklərinin yaydığı birgə bəyanatda deyilir.
Beləliklə, Ermənistanda müharibə ilə bağlı yeni qorxu dalğası başlayıb və bu, 1990-cı illərdə olduğu kimi geniş hal ala bilər. 1994-cü ildə baş vermiş Horadiz döyüşlərindən sonra da İrəvanda belə əhval-ruhiyyə yaranmışdı və ermənilər kütləvi olaraq şəhəri tərk edirdilər. Bunun əsas səbəbi Horadiz döyüşlərində 15 min erməninin həlak olması ilə bağlı idi. Ermənistan rəhbərliyi cəbhədəki itkilərin yerini doldurmaq üçün zavod və fakriklərdən hərbi təcrübəsi olmayan adamları ön cəbhəyə aparırdılar. Ailələrinə isə oğullarının Rusiyaya ezamiyyətə getdiyini deyirdilər.
Qeyri-rəsmi məlumatlara görə, Ermənistan birinci Qarabağ münaqişəsində 75 min əsgər itirib. O vaxt Ermənistanda belə bir lətifə yaranmışdı: “İrəvanı axırıncı tərk edən adam hava limanında işığı söndürsün”.
İndi də Ermənistandan miqrasiya var, hər il 2 minə yaxın 16 yaşa çatmamış oğlan Ermənistanı tərk edir. Bu, Ermənistanın hərbi çağırışa yararlı gənclərinin 10 faizi deməkdir. Erməni hərbçilər bu rəqəmin dəfələrlə artmasından qorxurlar, bu isə Ermənistanda onsuz da çətin olan hərbi çağırışçı problemini dərinləşdirəcək.
“Lragir” vasitəsi ilə ermənilərə müraciət edən general-mayor Arkadi Ter-Tadevosyan erməniləri sakitləşdirməyə çalışıb: “Onlar (azərbaycanlılar - red) gah burada, gah orada hərbi təlim keçirirlər ki, bizim aramızda çaxnaşma yaransın”.
Halbuki, Arkadi Ter-Tadevosyanın iyulda aktiv döyüşlərin başlaya biləcəyini və Ermənistanın aprel döyüşlərinin intiqamını alacağını bildirmişdi. İndi isə sülhdən danışmağa başlayıb.
Çingiz Rüstəmov / İstiPress
