Myanmada Arakan müsəlmanlarına qarşı vəhşilik davam edir.
Arakan bölgəsində son 3 gündə 2 mindən çox müsəlman öldürülüb. Onların arasında çoxlu sayda körpə uşaqlar və qadınlar da var.
Canını qurtarmaq istəyənlərin çoxlu Banqladeşə sığınmağa çalışırlar. Lakin, Banqladeş sərhəd qoruyucuları onların çoxunu ölkəyə buraxmır.
Naf çayını keçərək Banqladeşə qaçmaq istəyən ailələrdən birinin körpəsi suda boğulub. Onun çay sahilindəki cəsədinin fotosu isə 2015-ci ildə ailəsi ilə birlikdə Suriyadan Türkiyəyə keçməyə çalışarkən gəminin qəzaya düşməsi nəticəsində dənizdə boğulan 3 yaşlı Aylanı xatırladıb.
Qeyd edək ki, bir çox dövlət Myanmada müsəlmanlara zülm edilməsini şiddətli şəkildə qınamasına və cinayətlərə son qoymağa çağırmasına baxmayaraq vəhşiliklər davam edir./qafqazinfo
