“ANAM ÖZÜNÜ YANDIRMAQ İSTƏYİR…” – Həbsdəki MTN generalı sabiq müstəntiqə nə deyib?

gundem / maraqli / Siyasət 11-06-2019, 19:57
“ANAM ÖZÜNÜ YANDIRMAQ İSTƏYİR…” – Həbsdəki MTN generalı sabiq müstəntiqə nə deyib?

Sabiq müstəntiq, bu yaxınlarda Prezident İlham Əliyevin imzaladığı əfv fərmanı ilə həbsdən azadlığa buraxılmış Rüfət Səfərov hazırda həbsxanada cəza çəkən məşhur MTN generalı Elçin Quliyevlə bağlı maraqlı xatirəsini paylaşıb.

“AzPolitika.info”-nın məlumatına görə, R.Səfərov feysbuk statusunda Elçin Quliyevi yada salıb, onunla bir dialoqunu paylaşıb.

Sabiq müstəntiq yazır: “Günün birində dustaq yoldaşım, uzun illər uğrunda canını fəda etdiyi rejim tərəfindən paqonları sökülən MTN generalı Elçin Quliyev hələ iş başında ikən Allahşükür Paşazadənin ona göndərdiyi Qurani-Şərifi oxumaq üçün mənə təqdim edib dedi: “Oxu, rahatlıq tapacaqsan… Mən tapıram…” Amma nəsə utandım, daha soruşmadım ki, necə rahatlıq tapırsınız?…

“ANAM ÖZÜNÜ YANDIRMAQ İSTƏYİR…” – Həbsdəki MTN generalı sabiq müstəntiqə nə deyib?

Şərait və zaman belə gətirdi: hərdən onunla söhbət edirdik, dərdləşirdik.

Son aylarda onu hədələyib, məndən uzaq gəzməsini tələb edibmişlər. Dilinin ucu ilə salam verib ötürdü. Yəqin “dost”ları maraq bürüyübmüş: bir MTN generalı ilə müxalifətçi nədən danışa bilər?…

Ayrıldığımız gün məni bir bucağa çəkib söylədi ki, “76 yaşlı anam özünü yandırmaq istəyir…” Bütün analar kimi oğlunun günahsızlığına əminmiş…”
Oxunub: 41
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    İyun 2019    »
BeÇaÇCaCŞB
 12
3456789
10111213141516
17181920212223
24252627282930


ILK-10