Bu gün İsveçrənin Nyon şəhərində "Qarabağ"ın taleyinə aydınlıq gətiriləcək
Ağdam klubunun vəkili Qürur Günal ümidli olduğunu deyib: "Ya oyun təkrarlanacaq, ya da qol qeydə alınacaq".
Qeyd edək ki, Avropa Liqasının qrup mərhələsinin son turunda “Qarabağ” İtaliyanın “İnter” klubu ilə oyunda son dəqiqələrdə qol vurmuşdu. Lakin Riçard Almeydanın rəqib qapısından keçirdiyi topdan sonra matçın baş hakimi çexiyalı Miroslav Zelinka qolu qeydə almamışdı. Səbəb isə yan xətt hakiminin ofsayd qərarı verməsi idi. Bu yanlış qərarın nəticəsində qrupdan növbəti mərhələyə Milan təmsilçisi və Ukrayna “Dnepr”i adlamışdı.
