Məlumat Hesablama Mərkəzi məlumat yaydı
İcra strukturlarında “Vətəndaşların onlayn qəbula yazılması” elektron-xidmətinin tətbiqi planlaşdırılır.
qaynarxett.az AzərTAc-a istinadən xəbər verir ki, bu barədə Məlumat Hesablama Mərkəzinin direktoru Nail Mərdanov bildirib.
Onun sözlərinə görə, “Vətəndaşların onlayn qəbula yazılması” adlı elektron-xidməti artıq hazırlanıb:
“Yerli icra hakimiyyəti orqanları ilə əməkdaşlıq edərək vəzifəli şəxslərin qəbuluna “Elektron hökumət” portalı vasitəsilə yazılmaq və prosesin onlayn izlənilməsinin təmin edilməsi üçün “Vətəndaşların onlayn qəbula yazılması” adlı elektron-xidməti hazırlanıb.
İlkin olaraq bu xidmət Biləsuvar Rayon İcra Hakimiyyəti (RİH) üzrə mart ayından vətəndaşların istifadəsinə təqdim olunub. Yeni xidmət vasitəsilə vətəndaşların RİH-in səlahiyyətli şəxslərinin qəbuluna yazılması və prosesin onlayn izlənilməsi mümkün olub.
Mərkəz tərəfindən tezliklə digər xidmətlərin də elektronlaşdırılması nəzərdə tutulub”.
Bundan başqa, o bildirib ki, e-xidmətin digər icra strukturlarına da tətbiqi planlaşdırılır.
