İrəvanda silahlı şəxslər tərəfindən ələ keçirilən post-patrul xidməti alayının binasının qarşısına yenidən əlavə polis qüvvələri cəlb olunub.
APA-nın “RİA Novosti”yə istinadən verdiyi xəbərə görə, polis əməkdaşlarının qarşısında aksiya keçirən 200-dək etirazçı binanı ələ keçirən silahlıların ərzaqla təmin olunmasını tələb edirlər.
Qeyd edək ki, iyulun 17-də bir qrup silahlı şəxs İrəvan ətrafındakı Erebuni rayonunda polis şöbəsinin binasını ələ keçirib. Onlar polis tərəfindən saxlanılmış Qarabağ müharibəsi veteranı Jirayr Sefilyanın azadlığa buraxılmasını tələb ediblər. Hücum zamanı bir polis ölüb, 3-ü yaralanıb.
Ötən gün polis əməkdaşları və silahlıları dəstəkləyən etirazçılar arasında baş vermiş toqquşma nəticəsində 29-u polis olmaqla, 51 nəfər xəsarət alıb.
Məsələnin ciddliyindən xəbər verən məqamlardan biri odur ki, Ermənistanın indiki dövlət başçısı Sarkisyanın bu gün kompromis variantı irəli sürməsidir. Demək olar ki, bu günə qədər kompramisdən qaçan, bunu heç cür yaxın buraxmayan Ermənistan, onun rəhbərinin birdə-birə bu qənaətə gəlməsi heç də təsadüfi sayıla bilməz.
Əldə edilən məlumata görə, artıq Sarkisyan rejimi birmənalı olaraq dalana dirənib. Sadə ermənilərə xoşbəxt gələcək vəd edən Sarkisyan rejimi nəticədə erməniləri bədbəxt gələcək bəxş edib.
Çarəsiz qalan Sarkisyan rejimi bundan yeganə çıxış yolu kimi Ermənistandan qaçması üçün yollar axtarır. Hətta sabah Sarkisyanın ölkədən qaçaşağını və xaricdən bəyanat verərək istefaya getdiyini bəyanlayacağı gözlənilir.
Qaynarxett.az
