Onun sabiq məşuqəsi internetdə intim videolar yayıb.
V.D.İ. nikli istifadəçi YouTube videoservisinə iki video yükləyib.
Qadın istifadəçi bu videoları İvanişeviçin xəbəri olmadan çəkib.
Monteneqronun sabiq baş naziri, indisə nazir statusunda komitə sədri olan Miloşeviç videoda alt paltarında və corablardadır.
"Bu video ona çox baha başa gələcək", - mobil telefonla çəkilmiş videonu şərh edən qadın yazıb.
Sabiq baş nazir Miroslav İvanişeviçin dediyinə görə, qadın qəsdən onun qəbuluna düşməyə çalışıbmış: "İş otağıma da məhz bu kadrları çəkmək üçün gəlmişdi. Görüşümüz iş vaxtı olmayıb. Vicdanım təmizdir".
Dünən isə həmin qadın bəyan edib ki, sabiq baş nazirdən hamilə qalıb və uşaq dünyaya gətirib.
Çoxsaylı fırıldaqlarına görə həbs edilmiş qadın istintaqda verdiyi ifadəsində Miroslav İvanişeviçin də polisə çağırılmasını tələb edib.
"Bu videolar internetdə yayılmamışdan əvvəl həmin qadını məhkəməyə vermişdim. Çünki o qadın iddia edir ki, doğduğu uşağın atası mənəm. Həmin qadın dəfələrlə mənə zəng vurub, şantaj edib", - İvanişeviç deyib.
Podqoritsadakı qəzetlər onu da yazırlar ki, Miroslav İvanişeviçin arvadı ərinin məşuqəsindən xəbər tutanda həmin qadının yanına gedərək dava salıbmış.
[media=]
