Ölənlərdən birinin azyaşlı olduğu bildirilir.
Bakının Sabunçu rayonunda 6 nəfərin ölümü ilə nəticələnən dəhşətli yol-nəqliyyat hadisəsi baş verib.
Oxu.Az APA-ya istinadən xəbər verir ki, 3 saylı şəhər xəstəxanasından verilən məlumata görə, xəstəxanaya 2 yaralı gətirilib.
Onlardan birinin şəxsiyyəti naməlumdur, digərinin isə Nizami Gülməmmədov olduğu bildirilib.
Hər 2 yaralı xəstəxananın reanimasiya şöbəsinə yerləşdirilib. Şəxsiyyəti məlum olmayan yaralının vəziyyətinin olduqca ağır olduğu bildirilir.
Sabunçu Rayon Polis İdarəsindən verilən xəbərə görə, qəza nəticəsində 5 yox, 6 nəfər dünyasını dəyişib.
Ölənlərdən birinin azyaşlı olduğu bildirilir.
04:02
qaynarxett.az-nun APA-ya istinadən verdiyi xəbərə görə, qəza Sabunçu rayonunun Zabrat qəsəbəsi ərazisində qeydə alınıb.
“Mercedes” markalı avtomobilin “VAZ-2106” markalı avtomobillə toqquşması nəticəsində 5 nəfər ölüb, 1 nəfər yaralanıb.
Məlumata görə, ölənlərin hamısı VAZ-2106” markalı avtomobildə olublar.
“Mercedes”in sürücüsü ağır xəsarət alaraq xəstəxanaya yerləşdirilib.
Ölən və xəsarət alan şəxslərin kimliyi müəyyənləşdirilir.
Faktla bağlı araşdırma aparılır.
Qəza ilə bağlı əlavə məlumat veriləcək.
