Türkiyənin Ədirnə əyalətində ağır yol qəzası baş verib.
Redaktor.az Anadolu agentliyinə istinadən xəbər verir ki, qaçqınların olduğu mikroavtobusun qəzaya uğraması nəticəsində azı 10 nəfər həyatını itirib. 30-a qədər yaralı var. Məlumata görə, sürücünün idarəetməni itirməsi nəticəsində nəqliyyat vasitəsi yoldan çıxaraq, divara çırpılıb.
Dərhal əraziyə cəlb edilən təcili tibbi yardım briqadaları yaralıları yaxınlıqdakı xəstəxanalara yerləşdirib. Onların hansı ölkənin vətəndaşları olduğu hələ ki məlum deyil. Hadisə ilə bağlı araşdırma aparılır.
