Əhaliyə göstərilən pullu xidmətlərin qiymətlərində isə dəyişikliklər baş verməyib.
Ümumilikdə oktyabrda istehlak məhsullarının və əhaliyə göstərilən pullu xidmətlərin qiymətləri sentyabrla müqayisədə 0,1 faiz bahalaşıb.
Bu barədə Dövlət Statistika Komitəsindən məlumat verilib. Bildirilib ki, oktyabrda düyünün, unun, qarabaşaq yarmasının, makaron və kolbasa məmulatlarının, şəkərin, toyuq ətinin, balıq və süd məhsullarının, yumurtanın, kərə və bitki yağlarının, portağalın, bananın, xiyarın, pomidorun, badımcanın, şirin bibərin, soğanın, sarımsağın, kartofun qiymətlərində bahalaşma, qoyun ətinin, limonun, naringinin, almanın, armudun, üzümün, heyvanın, narın, qozun, fındığın, şabalıdın, kələmin, göyərtinin, balqabağın, göy lobyanın, çuğundurun, kökün qiymətlərində isə ucuzlaşma müşahidə olunub. Digər ərzaq məhsullarının qiymətlərində ciddi dəyişikliklər qeydə alınmayıb.
Keçən ay qeyri-ərzaq məhsullarından parçaların, geyimin, ayaqqabıların, məişət cihazlarının, minik avtomobilləri üçün ehtiyat hissələrinin, dəftərxana ləvazimatlarının qiymətləri bahalaşıb, inşaat materiallarının, dərmanların, zərgərlik məmulatlarının, mebel və ev əşyalarının qiymətləri isə ucuzlaşıb. Digər qeyri-ərzaq məhsullarının qiymətlərində ciddi dəyişikliklər baş verməyib.
