Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin hesabat yığıncağı keçirilib.

gundem 13-01-2016, 01:32
Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin hesabat yığıncağı keçirilib.


12 yanvar 2016-ci il tarixində Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin fəaliyyəti haqqında hesabat yığıncağı keçirilib.
Yığıncaqda Nərimanov Rayon İcra Hakimiyyəti başçısının 2 nömrəli Sahə İnzibati Ərazi Dairəsi üzrə nümayəndəliyinin rəhbərliyi, əməkdaşları və sakinlər iştirak etmişlər.
Yığıncaqda qeyd edilmişdir ki, Bakı şəhərində müasir infrastrukturların yaradılması, burada yaşayan əhalinin həyat səviyyəsinin yüksəldilməsinə göstərilən diqqət və qayğının nəticəsidir ki, paytaxtda müsbət dəyişikliklər davam edir, şəhərimizin siması günü-gündən gözəlləşir və müasirləşir.
Bu dəyişikliklər Nərimanov rayonunda bütün sahələr üzrə öz əksini tapmış, son illər ərzində bir sıra əhəmiyyətli işlər, geniş miqyaslı abadlıq-quruculuq işləri və irimiqyaslı layihələr həyata keçirilmişdir.
Paytaxtımızın sürətlə inkişaf edən rayonlarından olan Nərimanov rayonunun 2 nömrəli sahə inzibati ərazi dairəsində hazırda 70474 nəfər əhali yaşayır və yaşayış evləri, çoxmənzilli yaşayış binalarındakı mənzillər üzrə ev təsərrüfatlarının sayı 18272-dir.
2 nömrəli Sahə İnzibati Ərazi Dairəsi öz fəaliyyətini İcra Hakimiyyəti Başçısının tapşırıqlarını yerinə yetirmək, əhalinin sosial əhəmiyyətli sifarişlərini öyrənərək İcra Hakimiyyəti Başçısına təkliflər vermək , ərazidə fəaliyyət göstərən dövlət qurumları ilə, habelə bələdiyyə, qeyri-hökümət təşkilatları ilə və digər təşkilatlarla nümayəndəliyin qarşılıqlı fəaliyyətini təmin etmək, ərazidə olan yaşayış evləri və çoxmənzilli yaşayış binalarındakı mənzillər üzrə təsərrüfat uçot kitablarını, habelə təsərrüfat üzvlərinin və müvəqqəti yaşayan şəxslərin siyahısını aparmaqdan ibarətdir.
Hesabat dövründə nümayəndəliyin ərazisində Rayon İcra Hakimiyyəti başçısının 7 səyyar görüş və qəbulları keçirilmişdir. Keçirilən səyyar görüş və qəbullar zamanı 747 sakin iştirak etmiş və 68 müraciət qeydə alınmışdır.Edilən müraciətlər təhlil edilərək müvafiq tədbirlər görülmüşdür. Respublikanın bütün bölgələrində və o cümlədən Nərimanov rayonunda aparılan irimiqyaslı quruculuq və abadlıq işləri çərçivəsində bir çox köhnə istismar müddəti keçmiş binalar sökülərək, yerində müasir, milli memarlıq üslubunda binaların tikilməsi həyata keçirilir..
Əhalinin enerji daşıyıcıları və içməli su ilə fasiləsiz təminatı məqsədilə ərazinin müxtəlif ünvanlarında magistral xətlər yenilənmişdir. Kanalizasiya təsərüffatının yaxşılaşdırılması ilə əlaqədar müxtəlif ünvanlarda magistral kanalizasiya boruları yenisi ilə əvəz olunmuşdur. Hazırda ərazidə yaşayan sakinləri narahat edən problemlər öyrənilir, qeydə alınır və onların həlli istiqamətində İcra Hakimiyyəti başçısına müvafiq təkliflər hazırlanır.
2015-ci ildə Milli Məclisə Seçkilərlə əlaqədar daimi seçici siyahılarına daxil edilmək üçün ərazidə aktiv seçki hüququna malik olan seçicilər haqqında məlumatlar dəqiqləşdirilmiş, nümayəndəliyin ərazisində fəaliyyət göstərən 19 saylı Nərimanov birinci Dairə Seçki Komissiyasının və Məntəqə Seçki Komissiyalarının yerləşdiyi inzibati binalara tərəfimizdən baxış keçirilmiş və təmir bərpa işlərinə ehtiyacı olan binalar barədə Rayon İcra Hakimiyyəti Başçısına təkliflər hazırlanaraq təqdim olunmuşdur. Həmin binalar Rayon İcra Hakimiyyəti Başçısının tapşırığına əsasən rayonun daxili imkanları hesabına təmir edilmişdir. Belə ki, 19 saylı Nərimanov birinci Dairə Seçki Komissiyasının inzibati binasının elektrik xətləri yenilənmiş, iş otaqları təmir olunmuşdur. Seçki məntəqələrinin ərazisində seçkiqabağı təşviqat materiallarının yerləşdirilməsi üçün lövhələr quraşdırılmışdır. Rayon İcra Hakimiyyəti Başçısının müvafiq sərəncamına əsasən namizədlərin seçicilərlə görüşlərinin keçirilməsi, təbliğat və təşviqat aparılması üçün nümayəndəliyin ərazisində yerlər müəyyənləşdirilmişdir.
2015-ci ildə ölkəmizdə keçirilən Birinci Avropa oyunları Azərbaycanın hər tərəfli inkişafının bir göstəricisidir. Paytaxtımızda və bölgələrimizdə idmana göstərilən dövlət qayğısı və idmanla bağlı nailiyyətlərimiz hamı kimi bizdə də qürur və fərəh hissi oyatdı. Birinci Avropa oyunlarının təbliğ olunması ilə əlaqədar, yerlərdə sakinlərlə səyyar görüşlər və ictimai tədbirlər təşkil olunurdu. Həmin dövrdə ərazimizin küçə və məhəllərində, park və xiyabanlarında təmizlik və abadlıq işləri mütəşəkkil formada davam etdirilrdi və bu işlərə geniş əhali kütləsi cəlb edilirdi.
Reklam və elanlarda Azərbaycan dilinin normalarının pozulması hallarının qarşısını almaq məqsədi ilə nümayəndəlik tərəfindən ərazidə fəaliyyət göstərən şirkət və obyekt sahibləri ilə izahat işləri aparılmış, “Azərbaycan Respublikasında dövlət dili haqqında” Qanunun tələblərinə zidd olaraq, reklamları xarici dillərdə yazılmış ticarət və digər obyekt sahiblərinə xəbərdarlıq edilmiş və qanunun tələblərinə ciddi əməl edilməsi üçün müvafiq tədbirlər görülmüşdür.
Hesabat dövründə nümayəndəlikdə kargüzarlıq işləri Azərbaycan Respublikası Prezidentinin 27 sentyabr 2003-cü il tarixli 935 nömrəli Fərmanı ilə təsdiq edilmiş “Dövlət hakimiyyəti orqanlarında idarə, təşkilat və müəssisələrində kargüzarlığın aparılmasına dair Təlimat”a uyğun olaraq həyata keçirilmişdir. 2015-cü ildə nümayəndəliyə Rayon İcra Hakimiyyəti Başçısının aparatından 3 məktub, 3 sərəncam, sakinlər tərəfindən isə 94 şifahi müraciət daxil olmuşdur.Rayon İcra İcra Hakimiyyətinin Başçısının nümayəndəsinin qəbulunda 57nəfər olmuş və rayon İcra Hakimiyyətinin 1643 nömrəli “Qaynar Xətt”indən 47 zəng daxil olmuşdur. Qəbula gələn vətəndaşlar tərəfindən əsasən maddi köməklik edilməsi, torpaq sahəsinin ayrılması, mənzil şəraitinin yaxşılaşdırılması və s. məsələlərlə bağlı müraciətlər olmuşdur. Müraciətlərin əksəriyyəti səlahiyyətlərimiz çərçivəsində öz həllini tapmış, bəzi müraciətlərlə əlaqədar vətəndaşlara izahatlar verilmiş və müəyyən köməkliklər göstərilmişdir.
Rayon İcra Hakimiyyəti Başçısının Aparatından daxil olan məktub və sərəncamlar vaxtı-vaxtında icra olunmuşdur. Qaynar xəttdən daxil olan şikayətlər tərəfimizdən ciddi nəzarətə götürülmüşdür. Azərbaycan Respublikasının Prezidenti möhtərəm cənab İlham Əliyevin həyata keçirdiyi geniş və çoxşaxəli siyasi kursun yerlərdə təbliği ilə əlaqədar məqsədyönlü ictimai-siyasi tədbirlər həyata keçirilmişdir. Belə ki, Azərbaycan Respublikası Prezidentinin məruzə və nitqlərində ölkənin ictimai-siyasi həyatında baş verən hadisələrlə bağlı fikirlərin operativ qaydada əhaliyə çatdırılması məqsədilə Nərimanov Rayon İcra Hakimiyyəti Başçısının müvafiq sərəncamı ilə təsdiq olunmuş qrafikə uyğun olaraq, rayonun idarə və müəssisə rəhbərləri, ziyalı və ağsaqqallarından ibarət təbliğat qrupu ərazinin müxtəlif müəssisə və təşkilatlarında, həmçinin əhalinin mədəni-kütləvi tədbirlər otağında sakinlərin iştirakı ilə görüşlər keçirmişdir. Keçirilmiş 16 görüşdə ümumilikdə 1494 nəfər iştirak etmişdir. Bu tədbirlərdə qeyd olunan müraciətlər nəzarətə götürülmüş və həll olunmuşdur.
Daha sonra yığıncaqda çıxış edən sakinlər hesabatla bağlı təklif və fikirlərini bildirmiş, müzakirələr apaılmışdır.
Oxunub: 475
OXŞAR MÖVZULAR
loading...
ÇOX OXUNANLAR
SOSİAL ŞƏBƏKƏ
TƏQVİM
«    Mart 2020    »
BeÇaÇCaCŞB
 1
2345678
9101112131415
16171819202122
23242526272829
3031 


ILK-10