ABŞ prezidentliyinə Respublikaçılar Partiyasından namizəd Domald Tramp birinci dəfə deyil ki, xanım rəqibinin ərinə sədaqətini şübhə altına alır.
Virtualaz.org Qərb mətbuatına istinadən xəbər verir ki, Pensilvaniya ştatının Manheym şəhərində tərəfdarları qarşısında çıxışı zamanı Tramp belə bir gümn irəli sürüb ki, Hillari Klinton ərinə xəyanət edə bilər.
“Klinton yalnız öz sponsorlarına sadiqdir. Əgər düzünü bilmək istəsəniz, mən onun heç Billə də vəfalı olduğunu düşünmürəm. Yox, camaat, doğrudan da, axı o nəyə görə sədaqətli olmalıdır?” – Tramp gələcək seçicilərindən soruşub.
O həmçinin xatırladıb ki, əvvəllər Hillari Klintonun əri, ABŞ prezidenti Bill Klinton yalan danışmaqda ittiham edilmişdi və hətta buna görə Arkanzas ştatında vəkillik lisenziyasından da məhrum olunmuşdu.
