Mənbə qeyd edir ki, Göytəpə meşəbəyliyinin 13 və 13a saylı meşə dolaylarında orta və iridiametri ağaclar kəsilərək sex və kustar üsulla hazırlanan kömürxanalara daşınır.
Kəsilən ağacların bir qismi son bir ayın qırıntılarıdır.
İşbazlar kəsilən ağacların üzərlərinə izi itirmək üçün palçıq da çəkiblər.
Sözügedən dolayın yanındakı Oğruqbulaq kəndində kustar üsulla kömür basdırılır və yerli ekologiya işçiləri də onlardan aylıq "dolya" yığırlar.
Mənbə bildirir ki, "Masallı Regional Meşə Təsərrüfatı Mərkəzinə yeni təyin olunan direktor Nəsimi Nəsibov gələndən sonra meşələrdəki ağaclar daha çox qırılmağa başladı.
Biz dəfələrlə Nəsimi müəllimə telefon vasitəsilə zəng vurub meşələrimizdənki soyqırımları barədə məlumat vermişik, amma çox təəssüflər olsun ki, bunun heç bir nəticəsi olmamışdır. Yalandan bir iki nəfər Mərkəzdən yoxlama göndərir və onlar da gəlib qırıntını ört-basdır edirlər.
Mərkəzin işçilərindən birinin redaksiyamıza verdiyi məlumata görə, Nəsimi Nəsibovu təhvil qəbulu ilə əlaqədar keçirilən yoxlamalarda çoxlu qırıntı faktları yazılıb, amma buna baxmayaraq Nəsimi çox çalışır ki, qırıntın miqdarın azaltsın, yəni 11 000 manatlıq qırıntının mıqdarın çalışırlar ki, salsınlar 1000 və ya 1500 manata.
Mənbə bildirir ki, Nəsimi Nəsibov deyir, "Siz deyəsən bu yazdıqlarınlzla məni tutdurmaq və ya işdən çıxartdırmaq istəyirsiniz.
Direktor mənəm və mən deyirəm, "belə edin" və sizə də etməlisiniz.
Nəsiminin bu hərəkəti işçilər arasında böyük narazılığa səbəb olub.
Qarşı tərəfi dinləməyə hazırıq
