Ermənistan üç gün ərzində tamamilə iflic vəziyyətinə düşməlidir.
Axar.az xəbər verir ki, bunu İrəvanda genişmiqyaslı mitinqdə çıxış edən Milli Hərəkatın Koordinasiya üzrə Milli Komitəsinin nümayəndəsi Vazgen Manukyan deyib.
"Səhər tezdən - saat 08:00-dan biz itaətsizlik aksiyalarına başlayırıq. Yaxın üç gündə - bazar ertəsi, çərşənbə axşamı və çərşənbə günü bütün Ermənistan iflic vəziyyətinə düşməlidir", - Manukyan bildirib.
Onun sözlərinə görə, bu günlər dövlət qurumlarının işini dayandırmaq üçün qəsdən seçilib:
"Mülki müqavilə”nin deputatları bizə qoşulmasalar, hər bir şəxsə baş verənləri izah etməli olacaqlar".
