Milli Məclisin deputatı Fariz İsmayılzadə Lənkəran Dövlət Peşə Təhsil Mərkəzində qızlar üçün nəzərdə tutulan yeni təlim proqramının açılışında iştirak edib.
Qaynarxett.az xəbər verir ki, təlim proqramının əsas məqsədi qızların müasir bilik və bacarıqlarının artırılması, onların peşəkar inkişafına dəstək göstərilməsi və gələcək məşğulluq imkanlarının genişləndirilməsidir.
Proqram çərçivəsində iştirakçılara seçilmiş istiqamət üzrə nəzəri və praktiki biliklərin aşılanması, onların yeni bacarıqlar əldə etməsi və əldə etdikləri bilikləri praktikada tətbiq etməsi nəzərdə tutulur.
Təlim zamanı iştirakçılar üçün interaktiv məşğələlər, praktiki tapşırıqlar və fikir mübadilələri təşkil olunacaq. Proqramın qızların öz potensiallarını daha yaxşı tanımalarına, yeni bacarıqlar qazanmalarına və gələcək fəaliyyət istiqamətlərini müəyyənləşdirmələrinə töhfə verməsi hədəflənir.
Tədbirdə çıxış edən deputat Fariz İsmayılzadə gənc qızların təhsilinə və peşə hazırlığına sərmayə qoyulmasının cəmiyyətin inkişafı baxımından əhəmiyyətini vurğulayıb. O, belə təşəbbüslərin gənclərin imkanlarının genişləndirilməsinə və onların gələcəkdə əmək bazarında daha fəal iştirakına şərait yaratdığını bildirib.
Sonda təlim proqramının iştirakçılarına uğurlar arzulayıb.
Lənkəran Dövlət Peşə Təhsil Mərkəzində həyata keçirilən yeni proqramın qızların bilik və bacarıqlarının inkişafına, onların yeni imkanlar qazanmasına və gələcək karyera perspektivlərinin genişlənməsinə xidmət etməsi nəzərdə tutulur.
