Lənkəran şəhəri, Füzuli küçəsi-75 ünvanında fəaliyyət göstərən 1 saylı Lənkəran Regional Ekologiya və Təbii Sərvətlər İdarəsində tüğyan edən məmur özbaşınalığına, məhz bu gün də son qoyulmur. Niyə? Bu haqda kimlərsə məlumatsız olsa da, tam əksəriyyət bilir ki, bu dövlət qurumuna rəhbərlik edən Şakir Quliyevin idarəçiliyi, artıq dözülməz həddə çatıb. Məsələn, 1 saylı Lənkəran Regional Ekologiya və Təbii Sərvətlər idarəsinə rəhbərlik edən Şakir Quliyev bu gün də vəzifə səlahiyyətlərindən sui-istifadə edir və məqsədli şəkildə cənub bölgəsinin sakinlərinə amansız divan tutur. Hətta o, yerli sakinlərə çox yuksək həddə, şişirdilmiş məbləğdə cərimələr tərtib etdirir. Baxmayaraq ki, bir cox sakinlərin heç bir əsas olmadan cərimələnmələri məhkəmə qaydasında sübuta yetirilmiş və həmin şəxslərin barəsində qaldırılan iddialar, cıxarılan qərarlar qəti şəkildə rədd edilmişdir. Yəni, bütün bunlarla bağlı yetərincə məhkəmə qətnamələri var. Redaksiyamıza daxil olan bəzi məlumatlarda bildirilir ki, Şakir Quliyev vətəndaşları haqsız cərimələtdiyinə ğörə məhkəmə qaydasında tənbeh olunmuş və ona nazirlik tərəfindən töhmət də verilmişdir.
Qeyd edək ki, cənub bölgəsinin sakinləri Şakir Quliyevin “ərşə qalxan” zülmündən aidiyyatı dövlət qurumlarına dəfələrlə müraciətlər etsələr də, nədənsə bu şəxsə “qaşın üstə qara var” deyən tapılmır. O halda sual oluna bilər ki, bu gün ölkəmizin cənub bölgəsində kifayət qədər peşəkar, savadlı, xalqına, dövlətinə bağlı olan şəxslər olsa da, səbəb nədir ki, nazirlik Şakir Quliyevə etimad göstərir və ona bu mühüm vəzifə həvalə olunur? Bu şəxsin birdən-birə rəis əvəzi vəzifəyə təyin olunması, sanki Puşkinin “balıq və balıqçının nağılı”nı xatırladır. Yaxşı olardı ki, Şakir Quliyev bu nağılı bircə dəfə oxusun və özü üçün bir nəticə cıxartsın. Hələ ki, gec deyil!. Hal-hazırda həm 1 saylı Ekologiya və Təbii Sərvətlər İdarəsinin kollektivi, həm də cənub bölgəsinin sakinləri tərəfindən Şakir Quliyevə qarşı baş qaldıran narazılıqlar durmadan artmaqda davam edir. Baxmayaraq ki, insan yaşa dolduqca səmimi, mehriban və qayğıkeşliyi olur. Amma, bu şəxs isə qetdikcə ammansızlaşır. Elə bil ki, bu şəxsin əsas məqsədi yalnız kimlərdənsə qisas almaqdır. Görəsən nazirlik Şakir Quliyevi 1 saylı Lənkəran Regional Ekologiya və Təbii Sərvətlər idarəsinə rəis əvəzi vəzifəyə təyin edərkən, bu şəxsin keçmişini niyə araşdırmayıb? Cox güman ki, cənab Muxtar Babayevin baş verən olaylardan heçbir halda xəbəri yoxdur. Əgər cənab Nazir Şakir Quliyevin kimliyinin araşdırılması yöndə lazımi tapşırığını verərsə, o halda onun hansı əməl sahibi olduğunu biləcək və dərhal bu şəxslə bağlı lazımi ölçü də götürəcək. Cənub bölgəsinin sakinləri bildirirlər ki, Şakir Quliyev onlarla cox kobud şəkildə davranır və elə hallar da olur ki, o, etik davranış qaydalarını pozur və bəzi şəxslərə təhqiramiz ifadələr də işlədir. Bir cox sakinlər bu şəxsin psixoloji durumunun yerində olmadığını da iddia edirlər. Biz isə müəyyən səbəblərə görə, hələlik bu barədə heç bir açıqlama vermək niyyətində deyilik. Əldə etdiyimiz məlumatlara görə, son vaxtlar Şakir Quliyev mövqelərini möhkəmləndirilmək ücün yeni taktiki addımlarını atır. Məsələn, bu şəxs hər zaman nazirliyə öz "sadiqliyini" və “işgüzarlığını” çatdırmağa çalışır və o, bu məqsədilə cərimə planını uc qat yerinə yetirmək öhdəliyini öz üzərinə götürür. El arasında belə bir zərb-məsəl var: “zülm ilə abad olanın axırı bərbad olur”. Hal-hazırda Şakir Quliyev cənub bölgəsində “at oynadıb meydan sulayır”. Kimsə cəsarət edib ona “ayranın turşdur” deyə bilməz. Görünür ki, bu xəmir hələ cox su aparacaq. Bəzi məlumatlara görə, bu şəxs öz mövqelərini möhkəmləndirmək üçün “ağlı dabanında olan” jurnalistlərin olmayan nüfuzundan da yararlanmağa çalışır. Amma, bu şəxs onu unudur ki, zamanı çatanda adını-soyadını yazmağı bacarmayan həmin jurnalistlər, heç bir halda ona kömək ola bilməyəcəklər.
Növbəti yazımızda Şakir Quliyevin Lənkəran şəhəri, Ləj kənd sakini Rzayev Ramis Muxtar oğluna qarşı etdiyi haqsızlıqlardan bəhs edəcəyik. Bizi izləməyi unutmayın.
Z. Həbiboğlu,
AJB-nin üzvü
GundemXeber.Az
