Deyilənlərə görə, Talıb özü şikayətçilərə etiraf edərək bildirib ki, "mən kiməm ki, bu yoxlamaları saxtalaşdıram.
Mənə Ekologiya və Təbii Sərvətlər Nazirliyindən tapşırıq gəlir "belə elə", mən də o cür edirəm.
Gördüyünüz sabiq həmkarım Zabit Əzimovu nazir müavini Vüqar Kərimov nə günə qoydurdu.
Məgər Zabit Əzimovun günahı var idi?
Onun bir günahı var idi o da Cəlilabad meşələrindəki nöqsanları (əkinlərin olmaması, qırıntı və biçənək pullarının yığılıb yeyilməsin) üzə çıxartmışdı".
Mənbəmiz bildirir ki, iki il öncə Masalıı rayonun Müsaküçə kəndi ərazisində 1.00 ha yaxın sahədə qeyri-qanuni yolla oranın bələdiyyə sədri Rafiq Eynullayev və Ərazi nümayəndəsi Sirac Şahverdiyevin göstərişi ilə torpaq və qrabillər qazılıb satılmışdı.
Kənd sakinləri bu barədə şikayət vermiş və 1 saylı RETSİ-nin sabiq əməkdaşı Zabit Əzimov 8400 kub metr qrabilin qazılıb daşındığını barədə akt tərtib etmişdi, sonra həmin aktı baş müfəttiş Talıb Kərimovun göstərişi ilə saxtalaşdıraraq (qazıntının kub metri) azaldılaraq), 2195 kub metrə endirilmişdir.
Hətta sözügedən akt vətəndaşların xəbəri və iştirakı olmadan tərtib edilmişdir.
Redaksiyamıza daxil olan digər məlumatlarda da bildirilir ki, Cəlilabad və Masallı ərazilərində çiyələk və kartofla məşqul olan sahibkarlar 600-ə qədər qeyri-qanuni su quyuları qazıblar. O, quyuların qazılması üçün əvvəlcədən Talıb Kərimovun "dabro"su alınır və sonra qazılır.
Bu, bir başa ciddi ekoloji pozuntu və cinayətdir.
Cəlilabad rayon Göytəpə şəhər ərazisində Sahibkar Rafiq və Hacı Məlik adlı şəxslər Tallb Kərimovun göstərişi ilə bir neçə yaş şam və tut cinslərindən ağacları əvvəlcədən budanmış, sonra isə kəsilmişdir.
Talıb sözügedən sahibkarlara bildirmişdi ki, "birdən soruşan olsa deyərsiniz ki, rəy əsasında kəsilib və rəydə Talıbdadır."
Sahibkar Rafiq 2021-ci ildə sözügedən bir neçə ağacın kəsib yerində ticarət obyekti tikmiş və Hacı Məlik isə 2022-ci ilin aprel ayı sahibi olduğu "Hacı Mərket"ın önündə olan 50 sm diametrində olan 3 ədəd yaş ağacı kəsmişdir.
Belə ağac kəsimləri Cəlilabad və Masallı ərazilərində çoxdur.
Bizə çatan məlumatlarda bildirilir ki, Talıb ağacı necə kəsmə qaydasın kəsənlərə çox məharətlə başa salır.
Deyir , "əvvəl budayın, sonra nəzərə çarpmasın deyə bir müddət sonra kəsin."
Bir qrup Cəlilabad sakinlərinin Ombudsman Aparatına "Masallı Regional Meşə Təsərrüfatı Mərkəzinin Xidməti ərazisində olan 800 ha yaxın meşə əkinlərinin batdığı" barədə şikayət vermişdi. Sözügedən şikayətin araşdırılmasın 1 saylı RETSİ-nin baş müfəttişi Tallb Kərimova tapşırılmışdı. Talıb isə heç bir araşdırma aparmadan həmişəki kimi Aparata saxta və yalan məlumat vermişdi. Belə ki, sözügedən saxta məktubda qeyd olunub ki, guya batan əkinlərin 72.00 hektarın Mərkəzin məsul şəxsləri öz daxili vəsaiti hesablarına bərpa ediblər və 10.00 hektar əkin yeri isə hazırlanıb. Məktub bu ilin yanvar ayı aidiyyatı üzrə göndərilib.
Haradadır o bərpa oluna 72.00 ha və 10.00 ha? Gəllib Tallb Kərimov göstərsin.
Belə saxta məlumat verməklə xalqı aldatmaq olmaz.
Heç 0.1 hektar belə bərpa olunmayıb.
Qarşı tərəfin mövqeyin dərc etməyə hazırıq.
PAYLAŞ:000000
