Əziz xanımlar!
Sizi 8 Mart – Beynəlxalq Qadınlar Günü münasibətilə ürəkdən təbrik edirəm. Qadınlar cəmiyyətimizin ən böyük mənəvi dayağı, ailənin istiliyini və bütövlüyünü qoruyan, eyni zamanda həyatın bütün sahələrində böyük fədakarlıq və məsuliyyətlə çalışan insanlardır.
Azərbaycan qadını tarix boyu öz müdrikliyi, mərhəməti, gücü və qətiyyəti ilə seçilib. Bu gün də qadınlarımız ölkəmizin ictimai, siyasi, elmi və mədəni həyatında fəal iştirak edir, dövlətimizin inkişafına mühüm töhfələr verirlər.
Ana kimi, həyat yoldaşı kimi, bacı və qız övladı kimi qadınlarımız ailələrimizin dayağı, cəmiyyətimizin isə mənəvi güc mənbəyidir. Xüsusilə şəhid analarının, qazilərimizin həyat yoldaşlarının və bütün Azərbaycan qadınlarının fədakarlığı böyük hörmət və ehtirama layiqdir.
Bu əlamətdar gün münasibətilə hər birinizə möhkəm cansağlığı, xoşbəxtlik, sevgi və ailə səadəti arzulayıram. Həyatınız hər zaman sevinc, uğur və gözəl anlarla dolu olsun.
Bayramınız mübarək! 🌷
Hörmətlə, Milli Məclisin deputatı Razi Nurullayev
