Qaynarxett.az xəbər verir ki, görüş zamanı deputat tələbə adını qazanan gənclərin sevincini bölüşüb, onların təhsil, gələcək planları və arzuları ilə maraqlanıb. Gənclərlə səmimi fikir mübadiləsi aparılıb, qarşıdakı tələbəlik illəri ilə bağlı düşüncələri dinlənilib.
Pərvin Kərimzadə gəncləri əldə etdikləri uğur münasibətilə təbrik edərək, onlara təhsil həyatlarında uğurlar arzulayıb.
Deputat bildirib ki, yüksək nəticə göstərərək ali məktəbə qəbul olmaq gənclərin həyatında mühüm mərhələlərdən biridir və onların qarşısında yeni imkanlar açır.
“İnanıram ki, qarşıda sizi daha böyük uğurlar gözləyir”, – deyə Pərvin Kərimzadə qeyd edib.
Görüşün sonunda tələbələrə tələbəlik illərində bol nailiyyətlər, yeni uğurlar və yaddaqalan gözəl xatirələr arzulanıb.
