Diasporla İş üzrə Dövlət Komitəsində xaricdə yaşayan azərbaycanlı xalçaçı-rəssam Albert Rəfiyevin yaradıcılığına həsr olunmuş “Əsrin dərinliklərindən gələn ənənələr” adlı sənədli filmin təqdimatı keçirilib.
Qaynarxett.az xəbər verir ki, filmin rejissoru Rufat Əsədovdur.
Təqdimatda iştirak edən Milli Məclisin deputatı Cavanşir Feyziyev çıxış edərək film haqqında fikirlərini iştirakçılarla bölüşüb. Deputat Albert Rəfiyevin yaradıcılığından danışaraq onun əsərlərini “unikal sənət nümunələri” kimi dəyərləndirib.
Onu da qeyd edək ki, deputat çıxışında Azərbaycan–İsrail münasibətlərinə də toxunub.
O, Azərbaycanda yaşayan yəhudi icmasının ölkənin siyasi, iqtisadi və mədəni həyatında oynadığı rolu yüksək qiymətləndirdiyini bildirib.
