Milli Məclisin deputatı Razi Nurullayev İnsan hüquqları komitəsinin iclasında çıxış edərək vacib təkliflər səsləndirib.
Millət vəkilin çıxışını təqdim edirik:
1. Vətəndaş–məmur münasibətləri
“İnzibati icraat haqqında” qanuna dəyişiklik təklif etdim:
Dövlət orqanlarının müraciətlərə cavab müddətinə görə real məsuliyyət mexanizmi olmalıdır;
Cavab verilmədikdə avtomatik intizam icraatı həyata keçirilməlidir;
Vətəndaşa “formal cavab” verilməsinin qanunla məhdudlaşdırılması vacibdir.
Arqument:
Bu, minlərlə şikayətin əsas səbəbidir və birbaşa insan hüquqları məsələsidir.
2. Regionlarda insan hüquqları mexanizmlərinin gücləndirilməsi
“Regional ombudsman nümayəndəlikləri”nin səlahiyyətlərinin artırılması
Rayonlarda Ombudsman nümayəndələrinə:
yerli icra orqanlarından məcburi izahat tələb etmək hüququ verilsin;
yoxlama təşəbbüsü qaldırmaq səlahiyyəti verilsin;
Nümayəndəliklərun üzərinə rüblük açıq hesabat vermək öhdəliyi qoyulsun.
Arqument:
İnsan hüquqları pozuntularının böyük hissəsi regionlarda baş verir, amma nəzarət zəifdir.
3. Sosial hüquqlar: kredit, icra, bank problemləri
“Borcluların hüquqlarının qorunması haqqında” ayrıca qanun, yaxud “İstehlak kreditləri haqqında” Qanun
Tək yaşayış evinin borca görə satışının tam məhdudlaşdırılması olmalıdır;
Bank–müştəri müqavilələrində şəffaflıq standartları üst səviyyəyə çatdırılmalıdır;
Məhkəmə icraçıları üçün davranış kodeksi (təzyiq, hədə-qorxu qadağası) hazırlanıb tətbiq edilməlidir.
Arqument:
Bu məsələ yüz minlərlə vətəndaşın həyatına birbaşa təsir edir və çoxlu sayda sosial rezonans doğurur.
Əlavə olaraq süni intellektdən istifadə edərək mövcud qanunların daha da sadələşdirilməsi, ziddiyyətlərin aradan qaldırılması və qanunların birləşdirilməsini təklif etdim.
Eyni zamanda dələduzluq hallarında vətəndaşlara tətbiq olunan ikili standartların aradan qaldırılması vacibliyini və bu sahədə konkret işlərin həyata keçirilməsini təklif etdim və ümidvaram ki, bu sahədə müzakirələr davam edəcək.
