"Donald Trump tərəfindən elan olunmuş iki həftəlik atəşkəs münaqişənin həlli deyil, onun müvəqqəti dayandırılmasıdır".
Qaynarxett.az xəbər verir ki, bunu Magen David Azərbaycan İnsan Hüquqları Müdafiə Mərkəzinin rəhbəri David Seliverstov deyib. O bildirib ki, bu, sabitlik alətidir, lakin təhlükəsizlik zəmanəti deyil:
"Bu, siyasi qərardır, lakin hüquqi sülh deyil. Bu, fasilədir və bu fasilədən sonra ya hüquq qalib gələcək, ya da yeni eskalasiya baş verəcək".\
David Seliverstov qeyd edib ki, hüquq müvəqqəti ola bilməz:
"Ədalət şərti ola bilməz. Sülh birtərəfli ola bilməz. Beynəlxalq ictimaiyyəti bu atəşkəsi real hüquqi mexanizmlərlə möhkəmləndirilmiş dayanıqlı sülh prosesinə çevirməyə çağırır. Əks halda bu fasilə növbəti qarşıdurma mərhələsinə keçid kimi qalacaq. Qoy bütün dünyada sülh olsun. Mayer Amschel Rothschild demişdir: birlikdə güclüyük və ədaləti biz özümüz bərqərar edirik".
